Polarkreis

Polarkräis säit mä de Bräitikräis, wo uf dr Bräiti vo 66° 33′ 44″ (= 66,56°) lige. Im Norde isch das dr nördlig, arktisch Polarkräis und im Süde dr südlig, antarktisch Polarkräis. Uf deene goot d Sunne an de Dääg vo dr Sunnewändi grad nüm uf bzw. grad nüm under. Si häi vom Nord- beziejigswiis vom Südpol dr gliich Abstand wie d Wändikräis vom Ekwator.

Am Polarkräis goot d Sunne am Daag vo dr Summersunnewändi nit under. Die Erschiinig, wo me re Middernachtsunne säit, fallt uf dr Nordhalbchugele mäistens uf e 21. Juni und uf dr Südhalbchugele uf e 21. oder 22. Dezämber. Dr Johannisdaag am 24. Juni isch au mit Fest zur Summersunnewändi verbunde.

• Nördlige Polarkräis
• 
  Polarkräis an dr Inlandsbahn z Schwede
• 
  Polarkräis an dr Erzbaan z Schwede
• 
  Polarkräis bi Jokkmokk, Schwede
• 
  Polarkräis in Juoksenki, Finnland, an dr Öiropastrooss 8
• 
  Polarkräis im Yukon-Territorium, Kanada
• 
  Polarkräis am Dalton Highway, Alaska
• 
  Polarkräis an dr Strooss Egwekinot – Iultin – Mys Schmidta uf Tschukotka, Russland

Am Daag vo dr Wintersunnewändi goot d Sunne am Polarkräis nit uf. Si fallt uf e Daag, wo uf dr andere Ärdhalbchugele d Summersunnewändi isch.